ஐ.பி.எல்: கொல்கத்தாவை வெளியேற்றி இறுதிப்போட்டிக்குள் நுழைந்தது மும்பை,
  • ஐ.பி.எல்: கொல்கத்தாவை வெளியேற்றி இறுதிப்போட்டிக்குள் நுழைந்தது மும்பை,

    ஐ.பி.எல் தொடரின் இரண்டாவது குவாலிபையர் போட்டியில் கொல்கத்தா அணியை 6 விக்கெட் வித்தியாசத்தில் வீழ்த்தி இறுதிப் போட்டிக்குள் நுழைந்தது மும்பை அணி.
    ஐ.பி.எல்: கொல்கத்தாவை வெளியேற்றி இறுதிப்போட்டிக்குள் நுழைந்தது மும்பை
    பெங்களூரு:

    ஐ.பி.எல். குவாலிபையர்-2 ஆட்டம் பெங்களூரு சின்னசாமி மைதானத்தில் நடைபெற்றது. இந்த போட்டியில் குவாலிபையர் 1-ல் தோல்வியடைந்த மும்பை இந்தியன்ஸ் அணியும், எலிமினேட்டரில் வெற்றி பெற்ற கொல்கத்தா நைட் ரைடர்ஸ் அணியும் பலப்பரீட்சை நடத்தின.

    டாஸ் வென்ற மும்பை இந்தியன்ஸ் அணி பீல்டிங் தேர்வு செய்தது. அதன்படி கொல்கத்தா அணியின் சுனில் நரைன், கிறிஸ் லின் ஆகியோர் தொடக்க வீரர்களாக களம் இறங்கினார். ஆடுகளம் பந்து வீச்சுக்கு அதிக அளவில் ஒத்துழைத்ததால், கொல்கத்தா வீரர்கள் கடுமையான திணறினார்கள்.

    பும்ப்ரா, கரண் ஷர்மா அபாரமாக பந்து வீசினார்கள். ஆட்டத்தின் 2-வது ஓவரில் கிறிஸ் லின் 4 ரன்கள் எடுத்த நிலையில் பும்ப்ரா பந்தில் ஆட்டம் இழந்தார். சுனில் நரைன் 10 ரன்கள் எடுத்த நிலையில் கரண் ஷர்மா பந்தில் ஸ்டம்பிங் ஆனார்.

    அதன்பின் வந்த உத்தப்பா 1 ரன்னிலும், காம்பீர் 12 ரன்னிலும், கிராண்ட்ஹோம் ரன்ஏதும் எடுக்காமலும் ஆட்டம் இழக்க, 31 ரன்னுக்குள் 5 விக்கெட்டுக்களை இழந்து தத்தளித்தது.

    6-வது விக்கெட்டுக்கு ஜக்கி உடன் சூர்யகுமார் ஜோடி சேர்ந்தார். இந்த ஜோடி ஓரளவிற்கு தாக்குப்பிடித்து விளையாடியது. அணியின் ஸ்கோர் 87 ரன்னாக இருக்கும்போது ஜக்கி 28 ரன்கள் எடுத்த நிலையில் வெளியேறினார்.

    அதன்பின் வந்த சாவ்லா 2 ரன்னிலும், கவுல்டர்-நைல் 6 ரன்னிலும் வெளியேறினார்கள். சிறப்பாக விளையாடிய சூர்யகுமார் யாதவ் 31 ரன்னில் ஆட்டமிழந்தார். கடைசி விக்கெட்டாக ராஜ்புத் மலிங்கா பந்தில் ஸ்டம்பை பறிகொடுக்க, கொல்கத்தா அணி 18.5 ஓவரில் 107 ரன்கள் எடுத்து ஆல்அவுட் ஆனது. மும்பை இந்தியன்ஸ் அணி சார்பில் கரண் ஷர்மா 4 விக்கெட்டும், பும்ப்ரா 3 விக்கெட்டும், ஜான்சன் 2 விக்கெட்டும் வீழ்த்தினார்கள்.

    பின்னர் 108 ரன்கள் எடுத்தால் வெற்றி என்ற எளிய இலக்குடன் களமிறங்கிய மும்பை இந்தியன்ஸ் அணியில் சிம்சன் மற்றும் பார்திவ் படேல் தொடக்க வீரர்களாக ஆடினர். கொல்கத்தா பந்து வீச்சாளர்கள் தொடக்கத்தில் சிறப்பாக பந்து வீச சிம்சன் 3 ரன்களிலும், படேல் 14 ரன்களிலும் வெளியேறினர். இதையடுத்து களமிறங்கிய இளம் வீரர் ராயுடுவும் 6 ரன்களில் ஆட்டமிழந்தார்.

    மும்பை அணி 34 ரன்களில் 3 விக்கெட்டுகளை இழந்து தடுமாறிய நிலையில் களமிறங்கிய கேப்டன் ரோகித் ஷர்மா சற்று நேரம் நிலைத்து நின்று ஆடி சிறிது சிறிதாக ரன்களை சேர்த்தார். அவருடன் ஜோடி சேர்ந்த கருணல் பாண்டியா அதிரடியாக விளையாடி கொல்கத்தா பந்து வீச்சை சிதறடித்தார்.

    14.3 ஓவர்களில் 4 விக்கெட்டுகளை இழந்த மும்பை அணி வெற்றி இலக்கான 108 ரன்களை எடுத்து 6 விக்கெட் வித்தியாசத்தில் வெற்றி பெற்றது. இதனையடுத்து, வரும் ஞாயிறன்று நடைபெற இருக்கும் இறுதிப்போட்டியில் புனே அணியை, மும்பை எதிர்கொள்கிறது.

    ஐ.பி.எல்: கொல்கத்தாவை வெளியேற்றி இறுதிப்போட்டிக்குள் நுழைந்தது மும்பை, ஐ.பி.எல்: கொல்கத்தாவை வெளியேற்றி இறுதிப்போட்டிக்குள் நுழைந்தது மும்பை,
  • பகிர்ந்தளிக்க :

தொடர்புடைய செய்திகள்
இந்தியச் செய்திகள்
மரண அறிவித்தல்
விவசாயத் தகவல்கள்
பிறந்த நாள் வாழ்த்துக்கள்
 மரண அறித்தல்